Gästebuch / Kontakt

Im Schlachthof, in da Hitzn drin,
so eng, dass koana auskemma ko,
do host g’sunga: „Ruck ma zamm“
und auf oamoi samma do.

Fünfawanzg san do, koa großer Saal,
doch Herz war g’nua für hundat Leit.
Bekannte, Freind und Schmidtanand
trotz am Schwitz´n war ma bereit.

Du host vom Anders sei erzählt,
vom Liacht, des geht auf eig’nem Fuaß,
und dass ma net ins G’schablonierte
sein kloans Menschsein leg´n muaß.

Dann KI Prompt: Mensch sei
Des ko koa Technik je versteh.
A Mensch mit Ecken, Kantn, Grant,
mit Freid, mit Schmerz und trotzdem schee.

Beim Opa und beim Papa dann
is’s stad worn in dem kloana Saal.
A paar Taschentüacha san g’wandert
ums Herzerl wurd´s warm auf amal.

Doch glei drauf kimmt die Instagram-Queen,
mit rosa Brilln und leichtem G’wicht.
Da Schlachthof lacht, die Tränen trocknan 
so wechselt’s Leben sei G’sicht.

Und wos uns guad duad, host g’fragt,
auf Zettl, jeder still für si.
Du host draus Reim im Liad´l g’macht 
des hod si o´ghört wia Magie.

Drum sag i schlicht: Vergelt’s Gott, Karin,
für des, wos gestern bei uns blieb:
A bissl Trost, a bissl Lacha
und Menschlichkeit in jedem Lied.